بسم الله ابتديت مثل البرق لاحت
في الشين والفسل بقينا نتباحت
طال الكان قصير والعالي اتاحت
والصولات حليلن ملكتن راحت
***
الاهلية كملت ياحبيب راحت ياحليل شمس المحنة الغربت طاحت
مالك يازمان شبعتنا هولا لبست الناس تيابا ً حاشا مي هولا يات من كان يجى دماعو مبهولا
لله راحت بقت البواجبولا
***
الاهلية كملت ياحبيب راحت ياحليل شمس المحنة الغربت طاحت
مالك يازمان شبعتنا وح وحيح صح الدون كضب كضب العوالي صحيح يات من كان أنا جعلتوا ليا صليح
عقرب حزء لي ويانفسي زين ومليح
***
الاهلية كملت ياحبيب راحت ياحليل شمس المحنة الغربت طاحت
في احوال الزمن صار الفكر حاير والياباك خلوا عندوا شن داير فوق أهل الفكر كاس
الوحيح داير نفد سوق النفاق سوق السمح باير
***
الاهلية كملت ياحبيب راحت ياحليل شمس المحنة الغربت طاحت
تب الشباب إن بقى كواس..
تب الصبي ان قطع المروه خلاص..
تب الشايب إن بقى وسواس..
تب الاقربين الإتفاتتوا الامغاص..
الاهلية كملت ياحبيب ياحليل شمس المحنة الغربت طاحت