ودبانقا القبة

الزائر الكريم اهلا ومرحب بيك في منتدي ودبانقا القبة

منتدى عام يهدف لخلق الصلاة الطيبه وتبادل الاراء ويهتم بقضايا المنطقة

الزائر الكريم اهلا ومرحب بكم في منتدي ودبانقا القبة
الي جميع اهلي بود بانقا القبةالحبيبة داخل وخارج الوطن الكبير ندعوكم للتواصل عبر هذا المنتدي تواصلا للاجيال واسترجاعا لسالفات الايام في قريتنا الحبيبة
الاعضاء الكرام تم تشغيل بوابة الدردشه اسفل المنتدي يرجي التسجيل للدخول في الدردشه

    اغنية ام الحسن

    شاطر
    avatar
    عبدالرازق حسن
    المدير العام
    المدير العام

    عدد المساهمات : 231
    تاريخ التسجيل : 24/01/2011
    العمر : 40
    الموقع : ودبانقا القبة

    اغنية ام الحسن

    مُساهمة من طرف عبدالرازق حسن في الإثنين يونيو 20, 2011 6:44 am

    وقفت بعد حلبت لبينة الشاي تكورك يا الحسن
    يا ام الحسن وينو الحسن
    ولمن صفت رغوة شخيبات اللبن في حلتا المبنية من طبق السكن
    واقفه في حوش البهايم ولسع تكورك يا الحسن

    وتلاوي في الحمل العنيد
    جاها حساً من بعيد مارق من القاطوع ورا
    قال ليها خير يا الحاجه خير
    قالتلو خير تعال لي جاي دايراك تعنون لي جواب يا الراسي لولدي الخدير
    لا تبقي زي شافع السرير يقول لي زين آيمة زين وزين تبقي بعد شهير
    وان جاني يكتب فد سطير
    اقولو يا سجم السجم انا زي قرايتك ما قريت
    لكن عويناتي بيفرزن الوريقة البيضاء من لون القلم

    بعد المغيرب بي شوي جاها الحسن تعبان يسير
    العشى غنمو من الدرب وسرقت ندي وشو الهجير
    سوتلو شاياً بي لبن قرض معاهو حرف فطير
    قالتلو بسم الله قول واكتب وصيتي انا للخدير

    الزمن يا ولدي ماحقاهو السنين
    البعيش في الدنيا ما بعيش مرتين
    العمير فاضل لي بس منو اليقين
    وانت طوّل في البنادر يا الحبيب لا متين
    تعال اوريك حق ابوك الجم حقيق حاج اللمين
    ان عرفتو بلا عمار يقولو ولداً عندو طين
    العلاج لا تنسي رسلو لي دحين
    العوينات يا جناي شوفن ضنين
    سلامنا ليك مطرز للبنيات والبنين
    ولو الارض يا ولدي تنشال في الايدين انا كت برسلا ليك
    في لوري الخزين
    avatar
    التلب
    عضو متميز
    عضو متميز

    عدد المساهمات : 30
    تاريخ التسجيل : 16/07/2011

    رد

    مُساهمة من طرف التلب في السبت أغسطس 06, 2011 12:42 am

    لا إاله إلا الله محمد رسول الله

    كلام والله وفى قمة الروعة والجمال لكن ديل اهلى الحنان
    لك كل التحايات اخى عبدالرزاق أجبتنى القصيدة جدا جدا


      الوقت/التاريخ الآن هو الأربعاء نوفمبر 22, 2017 5:08 pm