اقيم بفضل الله وعونه اليوم الخميس 20/9/2012 منتدى ودبانقا الادبى فى ضيافة الاستاذ عثمان عوض الكريم ابوقصة بودبانقا المحطة حلة بانت شرق وبداء المنتدى بحديث الاستاذ نصر الدين على جلى بالتعريف عن فكرة المنتدى وقيامة بينما ناقش الاستاذ عثمان عوض الكريم مسودة الدستور وبعد الفراغ منها تقدم الشاعر على محمد على عمران
ببعض القصائد ثم من بعده جاء الاستاذ عثمان عوض الكريم ليتحفنا ببعض اشعارة ومن ثم تقدم الاستاذ امجد محمود(المرادابى) ليلبث الليلة حلية زاهية من منوعاتة الشعرية وبعد ذلك دارت المجادعات سجالا بين الشعراء مع مداخلات من الحضور كانت حاضرة الطرفة وقد افتقد المنتدى حضور الشاعر على احمد البشير (نقتير) فلأبن اخيه عاجل الشفاء كما نشكر العنصر النسوي وعلى رأسه الشعارة والفنانه الحبوبة ستنا احمد المك(النوتة)رغم الحزن المخيم على قبلها فى فقدها الجلل (ابنها) ولكنها لبت الدعوة حبا للبلد الذى تغنت له كثيرا فلها منا خالص الشكر
ولكم بعض المشاركات
حاكم سلوة
على محمد على عمران
...
حاكم سلوة عندو نظام
ثوانى قليلة احكم زولو باعدام
يضوى جبينو زى برق العشاء البسام
يشفى عليلو لو ردة التحية سلام
حاكم سلوة حكمو فريد
وجنات الخديد الشافة كلو سعيد
اليوم الاغادر بلبلة التغريد
حزاينى وانقفلو بابا الريد
الشابك طرفو خدو مندى
مشتول سلوة شال قدر الرويحة العندى
نافس فى جمال سبنة الهندى
من الباوقة اجيب بنطون عشانو اعدى
ضابط الميدان يطيعو كلامك
ياحاكم الغرب كل الشرق خدامك
طلب الراوى حاجة قليل قال لى جنابك
تلولينى صغير فى صديرك ابقى غلامك
الشاعر على محمد على عمران
@@@@@@@@@@@@@@@
امجد محمود (المرادابى)
مدخل
ياحلاوة القعاد بين البانقاب والروعة
شوفتكم لقاكم يا خلة تبقى المتعة
فى باب الشعرنلقى البلابل سجعة
وان شفنا الحسان دوباى نميمنا وجدعة
تيجان الجمال
تيجان الجمال المن الكريم مدخورة
انتى اولا وعينيك ياها بدورة
لو مابخاف من ابيات غناي وفجورة
اقول بنات الحور هناك مابغلبن نورة
نورا من كريم بالذمة شالع نورة
تقدل بى مهل بعض المقص دبورة
تصرف للاوامر سمعن وطاعتن محضورة
حياك فى مرور دور وانصرف طابورة
من فوق اللواء ادوها رتبة وشورة
مشتولة الشريق النبح بابورة
قدر ماقول غناي سلك الدروب ووكورة
تاتاى الفلو ودر على سطورة
ودرنى الوصف جهجهنى الجمال الكلى
ياكبد الحقيقة لامتين علينا تطلى
يا الضويت سماك مازالن رباعتك اهلى
يا سكر كنانة اللى العصير بتحلى
اه من نار هواك الفى حشاى بتصلى
ومنشارك فى الكبد طالع كذا ومندلى
ديسك غلب المشاطة يوم بتفلى
تاتى القدلة حرقى لى قلوبنا وملى
ملالة القلوب تالاك فاكهة موز
وملمسك الحرير المن بعض مطروز
ظبية مدينة لاطلعت جبل لاقوز
ملكت للجمال من غير عقودة تفوز
انتى الفى الجمال حظك مضاعف جوز
تاجوج والمعاها بالنسبة ليك رموز
اعبد هواك لو ليهو العبادة تجوز
نعم الكريم تماك ورا وخلى الضمير محزوز
ببعض القصائد ثم من بعده جاء الاستاذ عثمان عوض الكريم ليتحفنا ببعض اشعارة ومن ثم تقدم الاستاذ امجد محمود(المرادابى) ليلبث الليلة حلية زاهية من منوعاتة الشعرية وبعد ذلك دارت المجادعات سجالا بين الشعراء مع مداخلات من الحضور كانت حاضرة الطرفة وقد افتقد المنتدى حضور الشاعر على احمد البشير (نقتير) فلأبن اخيه عاجل الشفاء كما نشكر العنصر النسوي وعلى رأسه الشعارة والفنانه الحبوبة ستنا احمد المك(النوتة)رغم الحزن المخيم على قبلها فى فقدها الجلل (ابنها) ولكنها لبت الدعوة حبا للبلد الذى تغنت له كثيرا فلها منا خالص الشكر
ولكم بعض المشاركات
حاكم سلوة
على محمد على عمران
...
حاكم سلوة عندو نظام
ثوانى قليلة احكم زولو باعدام
يضوى جبينو زى برق العشاء البسام
يشفى عليلو لو ردة التحية سلام
حاكم سلوة حكمو فريد
وجنات الخديد الشافة كلو سعيد
اليوم الاغادر بلبلة التغريد
حزاينى وانقفلو بابا الريد
الشابك طرفو خدو مندى
مشتول سلوة شال قدر الرويحة العندى
نافس فى جمال سبنة الهندى
من الباوقة اجيب بنطون عشانو اعدى
ضابط الميدان يطيعو كلامك
ياحاكم الغرب كل الشرق خدامك
طلب الراوى حاجة قليل قال لى جنابك
تلولينى صغير فى صديرك ابقى غلامك
الشاعر على محمد على عمران
@@@@@@@@@@@@@@@
امجد محمود (المرادابى)
مدخل
ياحلاوة القعاد بين البانقاب والروعة
شوفتكم لقاكم يا خلة تبقى المتعة
فى باب الشعرنلقى البلابل سجعة
وان شفنا الحسان دوباى نميمنا وجدعة
تيجان الجمال
تيجان الجمال المن الكريم مدخورة
انتى اولا وعينيك ياها بدورة
لو مابخاف من ابيات غناي وفجورة
اقول بنات الحور هناك مابغلبن نورة
نورا من كريم بالذمة شالع نورة
تقدل بى مهل بعض المقص دبورة
تصرف للاوامر سمعن وطاعتن محضورة
حياك فى مرور دور وانصرف طابورة
من فوق اللواء ادوها رتبة وشورة
مشتولة الشريق النبح بابورة
قدر ماقول غناي سلك الدروب ووكورة
تاتاى الفلو ودر على سطورة
ودرنى الوصف جهجهنى الجمال الكلى
ياكبد الحقيقة لامتين علينا تطلى
يا الضويت سماك مازالن رباعتك اهلى
يا سكر كنانة اللى العصير بتحلى
اه من نار هواك الفى حشاى بتصلى
ومنشارك فى الكبد طالع كذا ومندلى
ديسك غلب المشاطة يوم بتفلى
تاتى القدلة حرقى لى قلوبنا وملى
ملالة القلوب تالاك فاكهة موز
وملمسك الحرير المن بعض مطروز
ظبية مدينة لاطلعت جبل لاقوز
ملكت للجمال من غير عقودة تفوز
انتى الفى الجمال حظك مضاعف جوز
تاجوج والمعاها بالنسبة ليك رموز
اعبد هواك لو ليهو العبادة تجوز
نعم الكريم تماك ورا وخلى الضمير محزوز