إتلمينـا يـوم سكة غـرام جـامعانـا
مـن شدّة فرحـنا الدنيـا ما سايعانـا
تتناجى العيون والروح صحت سامعانـا
يالفي بالـنا يوت سـاكن قلوبنا معانـا
يـوم جـيتك يطل غيم الفـرح يغشانـا
زي زخ المطـر حـرد السما ورشانـا
وسال أنهار حـنان بلل نفوس عطشانـا
تبتهج الربى وترقص طـيورهـا عشانـا
وتحتفـل المدن حـتى القرى وحيشانـا
الحب مـاهو زول تمشي وتدقالو بابو
وماهو البنزرع تمشي وتكوس تيرابو
يغشي الزول نسيم بارد يحل اعصابو
ويرعد في حشاك فرحاً يلالي سحابو
الحب كان غشاك يعزم يجيب اصحابو
كيف ضابط السجن ساعة تقيف في جنابو
زي شافعاً صغير عرف النضم يا دابو
أزمعتي الرحيل قصدك تزيدي جروحي
يا أم خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية إنتي تروحي
مـن شدّة فرحـنا الدنيـا ما سايعانـا
إتكت النجـوم لـيك غـززت كيعانـا
واسـدلت الخـمار ودر ضياك لمعانـاتتناجى العيون والروح صحت سامعانـا
يالفي بالـنا يوت سـاكن قلوبنا معانـا
يـوم جـيتك يطل غيم الفـرح يغشانـا
زي زخ المطـر حـرد السما ورشانـا
وسال أنهار حـنان بلل نفوس عطشانـا
تبتهج الربى وترقص طـيورهـا عشانـا
وتحتفـل المدن حـتى القرى وحيشانـا
الحب مـاهو زول تمشي وتدقالو بابو
وماهو البنزرع تمشي وتكوس تيرابو
يغشي الزول نسيم بارد يحل اعصابو
ويرعد في حشاك فرحاً يلالي سحابو
الحب كان غشاك يعزم يجيب اصحابو
كيف ضابط السجن ساعة تقيف في جنابو
زي شافعاً صغير عرف النضم يا دابو
أزمعتي الرحيل قصدك تزيدي جروحي
يا أم خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية إنتي تروحي