مسدار الفخر

لولد المزمبع وديما طاب لاب توبو
فى البندر موكر وفوق كتفو جادع توبو
خلاهو الفريق بى نبقو بى لالوبو
بقى تغيان عديل ولبنو فايت روبو
كرب البنطلون خربانه ديك الزايله
ساكن تانى دور ونسى الحويطه المايله
يحول فى الرصيد ومس كول كمان ياداليه

******************************
نسوان الفريق قالن فلان اتوظف
ونسى قلوتنا تب الليها كان بتقريف
وماظنينا راجع حتى البلد لو خرف
غشاهو الجداد المشوى الفى الحديد بتقلب
يقرطع فى العصائر ميرندا ببسى معلب
يعزم ناس لؤى وايناس معاها مهلب
نصبرليك شوى شرايينك يمين تتصلب
__________________