اليوم اقدم لكم كلمات الاخت نضال وفقها الله
انا بكرهك انا بكرهك
بس بكرهك انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك من ياتوا باب طليت علي ماكنت اصلا بشبهك
انا شلت ريدك في القليب وسقيتوا من دم العروق صنقعت دليت النجم دنقرت كبيت نور وشوق
وعصرت موية الانتظار خطيت في وجع الحروق كان النتيجة تبيع هواي واريتو كان سويت لو سوق
من وين اجيب ليك الدموع من وين اصنقر حيل كلام كان امنيات قلب الرجوع
من وين اذا هتك الظلام حيل خيلي القي لك شموع لكني مجبورة واطردك واقفل باب الضلوع
شديت راحالتي ومشيت واكتين هتك حيلك هواي ارتحت في موجي ورسيت
لاحرك الموج البحر لاصد قلبي ولا قسيت لكن طلعت خيال عشم ضمخ رؤاي الوجع المميت
قدر اشتاهي انا بكرهك
قدر الغرام الكان زمان كابد مساماتي وهواي انا بكرهك
قدر اني مالوثت بيك كريات شرياني ودماي انا بكرهك
قدر اني غنيتك غناي انا بكرهك
من وين دخلت علي مدن شاخت من الوجع الاليم
من وين طرقت جدار قلب لقح هواي العشق العقيم
من وين سخت شمسك علي كانت سماي مليان غيم
فتق جراحاتي وامشي
خلاني في لهب الجحيم
انا قلت ليك انا بكرهك
قدر المواسم الشاده خيل الريد عليك انا بكرهك
قدر المصايب الحارس بوابت مجيك انا بكرهك
نفس المسافة وحجم قلبي الكان تملي بيشتهيك بقي بكرهك
واتوكل ارحل مني فوت
حرمان علي قلبي الكلام كان غيرك اجتاهوا السكوت
خليوا قلبي الاندفن تنسج عليهوا خيوط العنكبوت
او خلي من بعدك اموت
الموت اخير من اني افضل في رحابك وفي رجاك
انا كنت لو غاب القمر دايما بضوي ضلام ضناك
وانا كنت لوغيمك رحل بطلع عشان اسكن سماك
وانا كنت لو بردك نزل بوقد صوابعي لهب حداك
لكن منوا القدر كده
والله لو انا في محلك بنسج الشمس احترام واهديها ليك متمدده
بفتح كراريس الكلام واختار حروفي وجرده
وبنبش قبور المستحيل كلمات شكر متفرده
لكن خسارة علي قلب حباك بلا مايعرفك
انعل ابو القلم العلي دفتر غناك دموا انسفك
انعل ابو الشعر الغشاني فيك والفك
منعول غناي كما امتطيت خيلي وبقيت اتاسفك
بتاسفك وكتين عيوني يسوقم الشوق لانتظارك
لما ليلي يسوق محاسنوا وينهزم عندك نهارك
لما ما ابكي انهزامي عشان ابارك انتصارك
لما كوكبي ساب مسارو ورحل عشان يسكن مدارك
كنت مالي زمان ومالك لكن وهاتك بكرهك
ندمان علي عمر معاك ضيعتوا في غفلة زمن
ندمان علي دمعا سكبتوا علي رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كل مايطول ليلي ويواتيه العذاب انا بكرهك
كل ما القلم يركب مصاعب الدنيا يمشي علي الكتاب انا بكرهك
كل ما الفراق كتل مضامين العشق سدا لو باب انا بكرهك
قدر العيون ماتلبس التوب الزراق تتوضا موية الانتهاب انا بكرهك
من كل باب انا بكرهك
واتوكل ارحل من جواي
غلطان اذا قلبك هداك قال ليك حتفضل غناي
غلطان اذا عقلك رضخ لظن يقول انك هداي
والله مافارق معاي انا كنت ناوي اجملك
وامسك مضامين اللغات من فيض حروفي اكملك
ترحل علي درب العشم بذات هواي احملك
وقت يغش قلبك جراح اقطع قليبي ودملك
ندمان منوا انا غايتوا ماندمان عليك
اتوكل ارحل من جواي عيش العذاب الباقي فيك
ولو قلبك اتجرع رجع حقك تلوموا علي مجيك
شان قلبي انت مليتوا دم انت مليتوا دم ماعاد لو باقي يسيبوا ليك
علي كل حال انا بكرهك
عدد الحصي وعدد الرمال انا بكرهك
عدد الصواب والاحتمال انا بكرهك
عدد الحقائق والمحال انا بكرهك
عدد الشنا وعددالجمال انا بكرهك
عدد الشعر ماسن سيف الارتجال انا بكرهك
عدد الاجابات والسؤال انا بكرهك
عدد اللممكن والمحال انا بكرهك
قد مازمان قلت ليك تعال انا بكرهك
مستوره حالي وراك فوت يادابوا ليلك هموا طال
علي كل حال انا بكرهك
انا بكرهك انا بكرهك
بس بكرهك انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك من ياتوا باب طليت علي ماكنت اصلا بشبهك
انا شلت ريدك في القليب وسقيتوا من دم العروق صنقعت دليت النجم دنقرت كبيت نور وشوق
وعصرت موية الانتظار خطيت في وجع الحروق كان النتيجة تبيع هواي واريتو كان سويت لو سوق
من وين اجيب ليك الدموع من وين اصنقر حيل كلام كان امنيات قلب الرجوع
من وين اذا هتك الظلام حيل خيلي القي لك شموع لكني مجبورة واطردك واقفل باب الضلوع
شديت راحالتي ومشيت واكتين هتك حيلك هواي ارتحت في موجي ورسيت
لاحرك الموج البحر لاصد قلبي ولا قسيت لكن طلعت خيال عشم ضمخ رؤاي الوجع المميت
قدر اشتاهي انا بكرهك
قدر الغرام الكان زمان كابد مساماتي وهواي انا بكرهك
قدر اني مالوثت بيك كريات شرياني ودماي انا بكرهك
قدر اني غنيتك غناي انا بكرهك
من وين دخلت علي مدن شاخت من الوجع الاليم
من وين طرقت جدار قلب لقح هواي العشق العقيم
من وين سخت شمسك علي كانت سماي مليان غيم
فتق جراحاتي وامشي
خلاني في لهب الجحيم
انا قلت ليك انا بكرهك
قدر المواسم الشاده خيل الريد عليك انا بكرهك
قدر المصايب الحارس بوابت مجيك انا بكرهك
نفس المسافة وحجم قلبي الكان تملي بيشتهيك بقي بكرهك
واتوكل ارحل مني فوت
حرمان علي قلبي الكلام كان غيرك اجتاهوا السكوت
خليوا قلبي الاندفن تنسج عليهوا خيوط العنكبوت
او خلي من بعدك اموت
الموت اخير من اني افضل في رحابك وفي رجاك
انا كنت لو غاب القمر دايما بضوي ضلام ضناك
وانا كنت لوغيمك رحل بطلع عشان اسكن سماك
وانا كنت لو بردك نزل بوقد صوابعي لهب حداك
لكن منوا القدر كده
والله لو انا في محلك بنسج الشمس احترام واهديها ليك متمدده
بفتح كراريس الكلام واختار حروفي وجرده
وبنبش قبور المستحيل كلمات شكر متفرده
لكن خسارة علي قلب حباك بلا مايعرفك
انعل ابو القلم العلي دفتر غناك دموا انسفك
انعل ابو الشعر الغشاني فيك والفك
منعول غناي كما امتطيت خيلي وبقيت اتاسفك
بتاسفك وكتين عيوني يسوقم الشوق لانتظارك
لما ليلي يسوق محاسنوا وينهزم عندك نهارك
لما ما ابكي انهزامي عشان ابارك انتصارك
لما كوكبي ساب مسارو ورحل عشان يسكن مدارك
كنت مالي زمان ومالك لكن وهاتك بكرهك
ندمان علي عمر معاك ضيعتوا في غفلة زمن
ندمان علي دمعا سكبتوا علي رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كل مايطول ليلي ويواتيه العذاب انا بكرهك
كل ما القلم يركب مصاعب الدنيا يمشي علي الكتاب انا بكرهك
كل ما الفراق كتل مضامين العشق سدا لو باب انا بكرهك
قدر العيون ماتلبس التوب الزراق تتوضا موية الانتهاب انا بكرهك
من كل باب انا بكرهك
واتوكل ارحل من جواي
غلطان اذا قلبك هداك قال ليك حتفضل غناي
غلطان اذا عقلك رضخ لظن يقول انك هداي
والله مافارق معاي انا كنت ناوي اجملك
وامسك مضامين اللغات من فيض حروفي اكملك
ترحل علي درب العشم بذات هواي احملك
وقت يغش قلبك جراح اقطع قليبي ودملك
ندمان منوا انا غايتوا ماندمان عليك
اتوكل ارحل من جواي عيش العذاب الباقي فيك
ولو قلبك اتجرع رجع حقك تلوموا علي مجيك
شان قلبي انت مليتوا دم انت مليتوا دم ماعاد لو باقي يسيبوا ليك
علي كل حال انا بكرهك
عدد الحصي وعدد الرمال انا بكرهك
عدد الصواب والاحتمال انا بكرهك
عدد الحقائق والمحال انا بكرهك
عدد الشنا وعددالجمال انا بكرهك
عدد الشعر ماسن سيف الارتجال انا بكرهك
عدد الاجابات والسؤال انا بكرهك
عدد اللممكن والمحال انا بكرهك
قد مازمان قلت ليك تعال انا بكرهك
مستوره حالي وراك فوت يادابوا ليلك هموا طال
علي كل حال انا بكرهك