أحمد عمران
هذه القصيدة الرائعة الشاملة القاها الشاعر: الأستاذ/ جبر الله عوض السيد محمد
في مهرجان مدارس ودبانقا يوم الجمعة 30 سبتمبر 2011:
بانقا
بانقا ليها تاريخ في البلد معروفه
فيها رجال جرارق وبالكرم موصوفه
صغيرن بلزم الحارة إن بقت مردوفه
قلوبن صم حجار وايدن بتهري سيوفه
بانقا فيها تاريخ من قديم مشهور
بقول للجاهلو أسأل منو ودقاعور
ود سلفاب حمد في الواجبه كان ما بشور
أمش النقعة تلقى آثار وتلقى قصور
فيك ثلة رجال يحجو ويعدلو الميل
ناس القرقم الفراس وناس ود ليل
عكاكيزا عكاكيز وكت يركزوا عديل
فيك شيخ بانقا الورع البقيم الليل
إن جيت البحر وإن قمت منها سادر
بانقا ماضي بانقا جايه بانقا حاضر
أبنوا صروحها بانقا فيها إنسان نادر
ما تخلوها لي عصف الزمان الغادر
بانقا بالحضارات بشهدولا الناس
في آثار بانقا للسياحة أساس
شامخاتها القبيل اتهدمن للساس
عيدو بناها قبل الفاس تقع في الراس
أكان تمشي العمارين تلقى فيهم خربو
وأبو عاشه الحسين كان الزعيم في عربو
زمن الضيقه كم نجدوا الضعاف وانكربو
كم لله شادين البتالت قربو
فيها أولاد عرامه وتلقى فيها مكوك
ود المك عقيدا ذكرو مو مدكوك
إن قلت الكزاعرة بحلو للمدروك
ويوم الحاره ناس حمراي يلاقو عدوك
الخيراب وأولاد أم بليل فرسان
من قيفة البحر لامن تجي الحردان
اليوم الصدف خاتين بخيل وجبان
سورابنا الكفونجه البكرموا الضيفان
فيك الفي الكلام والفرسه بملو العين
ناس عوجه البكفوا قطر، وناس عمرين
فيك رازقيه فيك مزق وجعليين
شايقيه وسلافيبا بحلو الدين
فيك رجال رموز من بدري معروفين
ربطوك بالغرب عباس ومعروفين
قبل أب شمه ود فتوته سيد الطين
قامات شامخه كانو وبرضو متواضعين
بانقا خرجت وزراء وأساتذة وقاده
جار بيها الزمان غير وشيهو وعادا
جوها مهرولين سمعوا المنادي اولادا
دايرين تاني يبنوها ويعيدوا أمجادا
شدوا أولادا فوق درب الجدود سايرين
بي عزم الرجال صرر الجبال بتلين
ناس بان النقا وكافة رجال الدين
دعواتم معاكم وليكم الله يعين
هذه القصيدة الرائعة الشاملة القاها الشاعر: الأستاذ/ جبر الله عوض السيد محمد
في مهرجان مدارس ودبانقا يوم الجمعة 30 سبتمبر 2011:
بانقا
بانقا ليها تاريخ في البلد معروفه
فيها رجال جرارق وبالكرم موصوفه
صغيرن بلزم الحارة إن بقت مردوفه
قلوبن صم حجار وايدن بتهري سيوفه
بانقا فيها تاريخ من قديم مشهور
بقول للجاهلو أسأل منو ودقاعور
ود سلفاب حمد في الواجبه كان ما بشور
أمش النقعة تلقى آثار وتلقى قصور
فيك ثلة رجال يحجو ويعدلو الميل
ناس القرقم الفراس وناس ود ليل
عكاكيزا عكاكيز وكت يركزوا عديل
فيك شيخ بانقا الورع البقيم الليل
إن جيت البحر وإن قمت منها سادر
بانقا ماضي بانقا جايه بانقا حاضر
أبنوا صروحها بانقا فيها إنسان نادر
ما تخلوها لي عصف الزمان الغادر
بانقا بالحضارات بشهدولا الناس
في آثار بانقا للسياحة أساس
شامخاتها القبيل اتهدمن للساس
عيدو بناها قبل الفاس تقع في الراس
أكان تمشي العمارين تلقى فيهم خربو
وأبو عاشه الحسين كان الزعيم في عربو
زمن الضيقه كم نجدوا الضعاف وانكربو
كم لله شادين البتالت قربو
فيها أولاد عرامه وتلقى فيها مكوك
ود المك عقيدا ذكرو مو مدكوك
إن قلت الكزاعرة بحلو للمدروك
ويوم الحاره ناس حمراي يلاقو عدوك
الخيراب وأولاد أم بليل فرسان
من قيفة البحر لامن تجي الحردان
اليوم الصدف خاتين بخيل وجبان
سورابنا الكفونجه البكرموا الضيفان
فيك الفي الكلام والفرسه بملو العين
ناس عوجه البكفوا قطر، وناس عمرين
فيك رازقيه فيك مزق وجعليين
شايقيه وسلافيبا بحلو الدين
فيك رجال رموز من بدري معروفين
ربطوك بالغرب عباس ومعروفين
قبل أب شمه ود فتوته سيد الطين
قامات شامخه كانو وبرضو متواضعين
بانقا خرجت وزراء وأساتذة وقاده
جار بيها الزمان غير وشيهو وعادا
جوها مهرولين سمعوا المنادي اولادا
دايرين تاني يبنوها ويعيدوا أمجادا
شدوا أولادا فوق درب الجدود سايرين
بي عزم الرجال صرر الجبال بتلين
ناس بان النقا وكافة رجال الدين
دعواتم معاكم وليكم الله يعين